5Rytmar

5Rytma dans er hreyfing sem byggir á náttúrulegu flæði lífsorkunnar.  Fylgt er einföldu munstri og í gegnum hreyfingu og öndun er farið í gegnum fimm rytma, flæði, stakkató, kaos, lýrík og kyrrð.  Þannig verður til alda, sem flæðir í gegnum líkamann og leysir orku úr læðingi, losar um hindranir og heilar gömul sár.

 

Þegar líkaminn opnast, opnast líka hugur og tilfinningar og sköpunarkrafturinn er virkjaður.

 

Rytmarnir eru ástundun sem hentar jafnt konum og körlum á mismunandi aldri og af öllum stærðum og gerðum.  Það eina sem þarf er að löngun til að frelsa dansarann sem í þér býr. 

 

Rytmarnir eru upphaflega þróaðir af Gabrielle Roth.  Leiðbeinandinn, Sigurborg Kr. Hannesdóttir hefur nýverið lokið kennaraþjálfun hjá Gabrielle.

 

Tímarnir eru öllum opnir  og eru fyrsta sunnudag í hverjum mánuði. Stakur tími kostar 2.500 kr. hvert skipti.  Einnig er hægt að kaupa 5 tíma kort. Greitt er við innganginn.  Athugið að ekki er hægt að taka við debet- eða kreditkortum.

 

Nánari upplýsingar er að finna á  www.5rytmar.is