DANS DANS OG MEIRI DANS!!!!!!!!!

 

Zumba fitness með Evu Suto.
Þessir tíma bjóða upp á mikla brennslu með skemmtilegri tónlist.  Sporin eru létt svo auðvelt er að fylgja eftir og ná fullri brennslu.  Markmiðið með þessum tímum er að skemmta sér við líkamsrækt við frábæra suður-ameríska tónlist, losa sig við stress og gleyma amstri dagsins!
Þó áhersla sé lögð á brennslu er verið að byggja upp maga, læri og rassvöðva svo ekki sé minnst á upphandleggi.  Dansstílar sem byggt er á eru: Merenque, Cumbia, Reggeaton, Salsa, Samba og Cha cha.
Tvisvar í viku fyrir aðeins vana (má og mið)
Tvisvar í viku fyrir byrjendur (þri og fim)

Eva er frá Búdapest og búsett hér á landi. Hún er alþjóðlegur zumba kennari  og hefur starfað sem fimleikaþjálfari hér á landi.  Hefur tekið þátt í ótal námskeiðum, hátíðum og workshopum.

 

 

 

AFRÓ - ERLENDIR GESTAKENNARAR Í JANÚAR.

Athugið: Ivonne Martinez, hinn vinsæli afrókennari, sér um afró kennsluna í janúar.  Með henni er trommarinn Ryan Greenidge sem kemur til okkar frá New York. Missið ekki af þessu. (mögulegt er að skrá sig sérstaklega í hennar tíma, hafið samband við okkur með pósti eða í síma)

 

Afró byrjendur og byrjendur +:  mánudaga og miðvikudaga 19:45. Opinn tími lau kl 14:00
Afró framhald og miðstig:  mánudaga og miðvikudaga 18:30.  Opinn tími lau kl. 14:00.

Kraftmiklir danstímar við heitan trommuslátt. Mikil hreyfing og rythmi. Afró er ekki bara skemmtilegt, heldur eykur það líka orku, styrk og þol. Tímar fyrir fólk af öllum stærðum og gerðum, alla aldurshópa og bæði kynin. Byrjenda, miðstigs og- og framhaldsnámskeið. Kennari:   Sandra Erlingsdóttir.  Aðaltrommari er Alzeny ásamt Cheick og fleirum.

 Á hverju ári hefur Afró-hópurinn, í heild eða að hluta, staðið fyrir ýmsum skemmtilegum uppákomum og tekið þátt í sýningum víðs vegar um landið.

 

                                                                                                               

.. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 

 Argentískur tangó
Ástríðuþrunginn og stílfagur dans sem á rætur sínar að rekja til Buenos Aires og nýtur mikilla vinsælda um allan hinn vestræna heim. Kennarar eru þau Þórður og Guðbjörg sem hafa stundað tangó um árabil hér og erlendis.  Þau fara árlega víða um heim að endurmennta sig og að kenna á hinum ýmsu tangóhátíðum. 
Tangó byrjendur:  Þriðjudagskvöld einu sinni í viku í 12 vikur.
Tangó framhald:  Þriðjudagskvöld einu sinni í viku í 12.vikur.

 Sjá einnig á www.tango.is !


 

Tangófélagið, sem hefur verið virkt síðan 2000, stendur fyrir reglulegum danskvöldum á föstudögum í Kramhúsinu og komu erlendra gestakennara í samvinnu við Kramhúsið. Nánari upplýsingar um Tangó, kennarana og námskeiðin má finna á www.tango.is
 

 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Magadans
Styrktu hið kvenlega og finndu konuna í sjálfri þér. Kramhúsið er frumkvöðull í kennslu magadans á Íslandi og leggur metnað sinn í að fá færustu kennara sem völ er á hverju sinni víðvegar að úr heiminum. 

Magadans fyrir byrjendur.

Magadans er frjáls dans þar sem lögð er áhersla á mjaðmahreyfingar og mjúkar handahreyfingar túlka tilfinningar og sál dansins. Allt sem tengist kvenleika er hægt að túlka með magadansi. Magadans þjálfar innri kviðvöðvana sem við notum eiginlega aldrei í daglegu líf og hann heldur þér í góðu líkamlegu formi.

 

Allir geta stundað magadans, óháð aldri eða líkamlegu atgervi!

Útbúnaður: þæginleg föt, leggings eða sítt pils, slæða utan um mjaðmir. Stuttan topp (ekki nauðsynlegt.

Byrjendanámskeið tvisvar í viku með Nadíu. Miðstig/byrj+ með Evu Suto tvisvar í viku og framhaldsnámskeið með Nadíu tvisvar í viku.  Sjá stundaskrá.

Dulúð og þokki - fyrir allar sem vilja styrkja konuna í sjálfri sér. Frábært gæsagigg ..!!! 

 

 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Bollywood dans.

Nýtt:  Bollywood dans fyrir 9 til 12 ára með Margréti! Mánudagar kl 16:15.

Það er mikil gleði í Bollywood dönsunum og það er Margrét Erla Maack sem kennir byrjendum og framhaldi.  Hún hefur kennt magadans og Bollywood í Kramhúsinu við geysilega góðan orðstýr og greinilegt að eftirspurn er eftir gleðinni ,tónlistinni og hreyfingunni í Bollywood. 

Bollywood tímarnir fyrir fullorðna eru á  miðvikudögum  kl 21:00 fyrir vana og á mánudögum kl 21:00 fyrir byrjendur. 

Möguleiki á sértíma fyrir vinkonurnar að koma saman og skemmta sér!
Bollywood  hentar líka einkar vel sem gæsagigg.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 

Samtímadans  (contemporary dans / nútímadans)

Framhald: Krefjandi tímar fyrir þá sem hafa góðan grunn. Kennt tvisvar í viku, á þriðjudögum og fimmtudögum kl. 21:oo.  Aðalkennari er Brian Gerke.
Brian hefur kennt hér við frábærar undirtektir.  Hann er gefandi kennari og þetta eru orkumiklir tímar.  Brian kennir hér í Kramhúsinu og eins í Listdanskóla Íslands.  Hann er helmingurinn af danstvíeikinu Steinunn og Brian, en verk þeirra hafa hlotið mikla athygli síðan þau fóru að vinna af alvöru saman 2007, tilnefnd til Grímuverðlaun hérlendis og hlotið verðlaun erlendis. 

Fyrir byrjendur með einhvern grunn:  Kennt tvisvar sinnum í viku, á þriðjudögum og fimmtudögum kl. 17.15.  Kennari:  Brogan.

Brogan Davison er danslistamaður frá Englandi.  Hún lærði í Laban þar sem hún vann með þekktum danshöfundum.  Hún útskrifaðist 2010 með BA gráðu og hefur síðan þá verið í verkefnum í Englandi, Noregi og á Íslandi. Hún er meðlimur í Raven og The Who's Johnny? Collective.  Við erum lukkuleg með að hafa Brogan innanborðs

Brogan verður líka að kenna yngri nemendum - skapandi dans (creative dance):
7 til 9 ára einu sinni í viku, og 10+ einu sinni í viku.

..............................................................................................................


Balkan dansar
Á Balkanskaganum er danshefðin óvenju ríkuleg. Þar dansar fólk á öllum aldri saman við ýmis tækifæri. Byrjendur og lengra komnir geta dansað saman sér til ánægju við líflega og fjöruga tónlist. Skrefin í Balkandönsum eru ýmist hæg eða hröð, einföld eða flókin og taktur tónlistarinnar er margslunginn og óvenjulegur. Balkandansar eru góð hreyfing sem eykur bæði úthald, samhæfingu og jafnvægi. Kjörið fyrir þá sem vilja holla og skemmtilega hreyfingu. Kennari er Veska frá Búlgaríu. 


 
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Breakdans og hiphop
Fyrir krakka á öllum aldri

Krakkar á öllum aldri geta lært breakdans. Hópnum er skipt eftir aldri og reynslu en Breakdans er bæði fyrir stráka og stelpur.
Natasha  frá New York hefur kennt Breakdans í Kramhúsinu í mörg ár og er ein af stóru nöfnunum í breaki á íslandi - ef ekki það stærsta.  Kennt er á föstudögum 1x í viku. 

Natasha kennir Hiphop fyrir krakka.  Hún hefur kennt hiphop til margra ára hér á landi.  Einnig sækir hún námskeið árlega hjá súper grúppunni Elite Force Crew.  Það má skoða þeirra verk og sögu á síðu þeirra www.eliteforcecrew.com þar sem fram kemur að þeir hafi unnið með Mikael Jackson meðal annars.

Tímarnir eru á fimmtudögum - takmörkuð pláss!

 










. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 

Krump

 

 

Blandaður aldur.

Hip Hop er upprunnið í New York og Krump er nýjasti stíllinn frá South Central LA.  Áhrif frá afrískum dansi og öðrum Hip Hop stílbrigðum stundum kallað "West Coast B-boying". Krump er aðferð til að losa sig við reiði og áhyggjur daglega lífsins með agressívum hreyfingum.  Ekki boðið upp á Krump í haust, eða eins og er.  Hafið samband út af sérhópum.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 

*******************************************************************

 

 

Street / Jazz / Locking

Ragna Þyri, sprenglærður danskennari frá Svíþjóð, bætist í hóp úrvalskennara og ætlar að kenna krökkum og unglingum street dansa sem eru hiphop og funk stílar t.d. locking sem er einn af vinsælli funk stílum núna.   Frábær tónlist, góð hreyfing og nýjustu dansarnir.  
Hún er Contemporary kennari okkar.

 

 . . . .. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .  

Salsa fyrir konur

Vinsælustu dansarnir frá Karabíska hafinu í dag. Grunnspor og flóknari spor fyrir konur. Tímarnir eru á fimmtudögum fyrir framhald og þriðjudögum fyrir byrjendur.  Frábært tækifæri til að kynnast betur suður-amerískri og  menningu og grípa taktinn! Kennari er hinn mikli sjarmör og dansari með meiru: Hernan.  Verður ekki á dagskrá hjá okkur veturinn 2011.

...............................................................................................................


Flamenco

 

Upphaflega verður kenndur hátíðardansinn Sevillanas frá Andalúsíu, sem er ferskur og fallegur dans. Síðar verður farið í hrynjandi og tækni Flamenco-dansins. Tilgangurinn er að nemendur kynnist og upplifi framandi menningu dansandi. Einföld leið til að upplifa með líkama og sál innblástur og ástríðu Spánar. Kennari er Minerva Iglesias frá Malaga á Spáni. 
Því miður er ekki boðið upp á Flamenco á veturinn 2011, nema það sé fyrir sérhópar.
  . . . .. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .  

 

Lindy hopp
Lindy hopp er afró-amerískur dans sem þróaðist í Harlem í New York borg upp úr 1927.  Þetta er sambland úr mörgum dönsum s.s. jazz, breakaway, swing, jitterbuck, jive, charleston svo eitthvað sé nefnt.  Hann þróaðist samhliða jazz dansi og er talinn vera "afi allra swing-dansa". 
Við erum svo heppin að bjóða upp á úrvals kennarann Hakan, sem hefur verið með Lindy hopp námskeið á Íslandi.  Því miður eru ekki boðið upp á þetta námskeið núna á vetrarönn 2011.

 

.. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Djazz sveifla frá 1930
Kennari:  Julia Zaharova

Endurvakningin á "Authentic Jazz" dansinum.
Margir sóló dansar einkenna nútíma endurvakninguna á Authentic Jazz dansinum. Þar má nefna Charleston og Black Bottom.
Sóló dansinn Charleston er fullur af orku. Yfirleitt er hann dansaður án félaga við tónlist frá Swing tímabilinu, sem stóð yfir á árunum 1915-1930. Á hinn bóginn er Black Bottom hægari en Charleston er þekktur fyrir að vera afar þokkafullur. Þessi dans er einnig dansaður án félaga og þá frekar við Blues tónlist.
Jazz sóló dansar eru frábærir til að bæta jafnvægi og einnig getu þína til að spinna eigin spor og setja tónlist í dansinn þinn.  Því miður er ekki boðið upp á þetta námskeið veturinn 2011.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Jazz frá 1930
Authentic Jazz er uppruni þessa danstíma sem byggja á ýmsum formum af sóló dansi t.d. Charleston og BlackBottom.  Það er horfið aftur til Swing tímabilsins.  Charleston sólo  er dansað við tónlist frá 1915-1930.   BlackBottom er hægari dans og varð ótrúlega vinsæll 1927, uppruni hans er frá New Orleans, Louisiana, og þar af leiðandi dansað við Blues.  Kennari er Júlía og eru tímarnir á föstudögum kl. 21.15 alveg tilvalið að koma sér í dansgírinn fyrir helgina.  -  Verður ekki á dagskrá veturinn 2011